Лазнёвы комплекс

Цэнтра сямейнага адпачынку "Сілічы"

Цэнтр сямейнага адпачынку "Сілічы" - ідэальнае месца, каб на некаторы час забыццы на стрэсы і адпачыць ад гарадской мітусні. Свежае лясное паветра, велькая тэрыторыя з добрым перападам вышынь, выдатныя відарысы. Вы дакладна захочаце вярнуцца сюды ізноў) Сапраўдныя беларускія лазні ў Цэнтры сямейнага адпачынку "Сілічы" - менавіта тое, што
трэба, каб паўнавартасна адпачыць ад гарадской мітусні. Вас чакаюць 3 утульныя лазні, якія мы топім сапраўднымі дровамі! Памяшканні аздобленыя сапраўдным дрэвам, водар проста невергодны!

Лазня "Пар над яром"

"Пар над ярам" - самая ўтульная лазня - для ціхага і прыемнага сямейнага адпачынку.

Размешчана ў крокавай даступнасці ад гатэлю і экапарка "Басаногая сцежка". Лазня "Пар над ярам" складаецца з 2 палавінак. Пры вашым жаданні можна адчыніць дзверы паміж імі - і пераўтварыць ўтульную сямейную лазню ў прасторны лазневы комплекс для вялікай кампаніі.

Аптымальная ёмістасць (аднаго аддзялення) - да 6 чалавек, максімальная - да 10 чалавек.

Лазня "Моцны пар"

"Моцны пар" - самая прасторная лазня ў цэнтры сямейнага адпачынку "Сілічы". І самая запатрабаваная сярод гасцей). Ужо на падыходзе да лазні Вас вітае самы старэйшы "жыхар" нашага комплексу - Пар-майстар). Кажуць, калі "павітацца" з ім за руку - пар ў лазні будзе лёгкім).

Самое памяшканне лазневага комплексу стылізавана пад беларускую хату часоў 19-20 ст. У аснове канструкцыі - натуральны сасновы зруб з элементамі з дубу. Дах у нашай лазні ёсць не толькі звонку, але і ўнутры: стылізацыя выканана пад гонт (ці беларускую "дранку"). Адчыняеце дзверы - і трапляеце ў прадсенкі (тут можна пакінуць верхнюю вопратку, абутак), затым праходзіце ў сенцы, а адтуль - у святліцу (прасторны пакой для адпачынку). Непасрэдна памяшканне лазні складаецца з прылазніка, душавой зоны, зоны адпачынку, купелі з халоднай вадой для акунання пасля лазні (басейн) і памяшкання самой парной.

Стандартная ёмістасць лазні - 7 чалавек. У цэлым камфортны адпачынак магчымы для кампаніі да 12 чалавек. Лазня "Моцны пар" ідэальна падыйдзе для правядзення невялікіх святочных мерапрыемстваў.

А што яшчэ?

Якую б лазню вы не выбралі - вас таксама чакаюць:
- пакой адпачынку:

- тэлевізар (50 + каналаў)

- кандыцыянер

- халадзільнік (у маразільнай камеры заўсёды клапатліва ўжо падрыхтаваны лёд)

-  кулер з гарачай/халоднай вадой, аднаразовыя шкляначкі

- імбрык і посуд (кубкі, лыжачкі, чорная ды зяленая гарбата, цукар)

- кабінка для пераапранання, індывідуальныя шафы

- фен

перадлазневае памяшканне:

- душавая зона для 3-5 чалавек

- басейн (купель) з халоднай вадой для акунання пасля лазні

- выхад на ўтульную тэрасу з неверагоднымі відарысамі

- драўляныя лежакі для адпачынку

- туалетны пакой

А акрамя лазні…

Калі ўжо выбраліся за горад - прагуляйцеся па ўсёй тэрыторыі Цэнтра: вам дакладна спадабаецца)

Калі будзеце спускацца па сцежцы здароўя да Ляснога возера - зможаце атрымаць асалоду ад выдатных відарысаў, сапраўднага "жывога" лесу, пакарміць вавёрак ці птушак і, вядома, захаваць усю гэтую прыгажосць на фота, каб дзяліцца з сябрамі)

Уздоўж возера абсталяваны пляцоўкі для барбекю - альтанкі, каля якіх ёсць мангалы. Дровы з сабой везці не трэба - яны ўжо клапатліва прасушаны і выкладзены ў дроўніцы ў крокавай даступнасці ад альтанак. А яшчэ на возеры можна лавіць рыбу.

Аматары актыўнага баўлення часу могуць паіграць у тэніс, баскетбол, міні-футбол і нават гандбол (калі будзе такое жаданне) або пракаціцца на роварах, роліках, самакатах - і агледзець усю тэрыторыю.